Home News काठमाडौंको दर्जन स्थानमा बत्ती छैन, प्राधिकरण भन्छ– सबस्टेसनको प्यानलबोर्डमा मुसा पस्यो

काठमाडौंको दर्जन स्थानमा बत्ती छैन, प्राधिकरण भन्छ– सबस्टेसनको प्यानलबोर्डमा मुसा पस्यो

163
0

आइतबार दिउँसो ३ बजेदेखि काठमाडौं उपत्यकाको दर्जन बढी स्थानमा बत्ती काटिएको छ । सबस्टेसनको प्यानलबोर्डमा मुसा पसेका कारण वितरण लाइनमा समस्या देखिएको नेपाल विद्युत प्राधिकरणले जनाएको छ।

प्राधिकरणको लैनचौर सब-स्टेसनको प्यानलबोर्डमा मुसा पसेकोले उक्त सब-स्टेसनबाट विद्युत आपुर्ती हुने बागवजार ,राजदरबार ,लैनचौर , लाजिम्पाट, महाराजगज ,पानीपोखरी, गैह्रीधारा, ठमेल, सामाखुशी, टगाल, बवरमहल लगायतका क्षेत्रमा दिउँसो ३ बजेबाट लाइन अवरुद्ध भएको प्राधिकरणको भनाइ छ।

अहिले मर्मत टोलीले काम गरिरहेको र विद्युत पुनः संचालन हुन केही समय लाग्ने प्राधिकरणको भनाइ छ।

त्यस्तै उपत्यका बाहिरका विभिन्न स्थानमा पनि अहिले लाईन सर्टडाउन छ। प्राधिकरणका अनुसार पोखरा वितरण केन्द्रअन्तर्गत पर्ने तातोपानी फिडरमर्मत सम्भार गर्नु पर्ने भएकोले आज बिहान १० बजेदेखि उक्त वितरण केन्द्रअन्तर्गतका सबै स्थानमा पनि लाईन काटिएको छ।

LEAVE A REPLY

Please enter your comment!
Please enter your name here