Home News मलेसियामा विदेशी श्रमिक भर्ना गर्न नोभेम्वर १ देखि नयाँ व्यवस्था लागू हुने,...

मलेसियामा विदेशी श्रमिक भर्ना गर्न नोभेम्वर १ देखि नयाँ व्यवस्था लागू हुने, यस्तो छ नयाँ व्यवस्था

1801
0

मलेसियामा रिहायरिंग मार्फत तथा विदेशी श्रमिक भर्ना गर्न चाहने रोजगारदाताहरुले त्यसका लागि माई फ्यूचरजव्स मा विज्ञापन प्रकाशित गर्नुपर्ने व्यवस्था गरिएको छ । आगामी नोभेम्वर १ देखि लागु हुनेगरी यस्तो व्यवस्था गरिएको मलेसियाका मानव संशाधन मन्त्री एम शरभनानले बताएका छन् ।

मलेमेलमा प्रकाशित बनर्माद्दारा प्रेषित समाचारमा भनिएको छः (मानव संशाधन) मन्त्री शरभनानले यस्तो विज्ञापन १४ दिनभन्दा कम समयको हुन नहुने र ईच्छुकले आवेदन दिन ३० दिनको समय प्राप्त गर्ने जानकारी दिएका छन् । यसरी आवेदन दिनेहरुको अन्तर्वार्ता रोजगारदाता तथा सोसल सेक्यूरिटी अर्गनाईजेशन (सोक्सो) का प्रतिनिधिले लिने व्यवस्था मिलाइएको छ ।

“हामीले रोजगारीमा मलेसियन नागरिकलाई नै प्राथमिकता दिनेछौं” मन्त्री शरभनानले भनेका छन् “यदि कुनै विज्ञापनमा कुनै मलेसियन नागरिकले आवेदन नदिएमा मात्र सो पदमा विदेशी श्रमिकले अवशर प्राप्त गर्नेछन् ।”

मन्त्री शरभनानद्धारा जारी विज्ञप्तीमा भनिएको छः यस्तो विज्ञापन रोजगारीको पद, तलव, शैक्षिक योग्यता वा आवश्यक दक्षता तथा योग्यता खुलाएर माईफ्यूचरजव्समा प्रकाशित गर्नुपर्नेछ । यसैगरी रोजगारदाताले निश्चित प्रकृया पुरा गरी फरेन वर्कर्स म्यानेजमेण्ट सिष्टम (ईपिपिएएक्स) मा दर्ता हुनुपर्नेछ । समाचारमा अनुसार नोभेम्वर १ तारिख देखि जव्समलेसिया प्रयोग गरेमा पनि रिडाइरेक्ट भएर माईफ्यूचरजव्समा प्रयोगकर्ता पुग्नेछन् ।

याे पनि पढ्नुहोस्

कोरोना महामारीका बीच असोज महिनामा मात्रै वैदेशिक रोजगारीमा जान ८ हजार ९७ जनाले श्रम स्वीकृति लिएका छन् । वैदेशिक रोजगार बिभागको तथ्यांक अनुसार असोज महिनामा ६४ देशमा जानका लागि व्यक्तिगत र संस्थागत गरी श्रम स्वीकृति दिईएको हो ।

बिभागका अनुसार असोज महिनामा ७ हजार ६७६ जना पुरुष र ४२१ जना महिलाले श्रम स्वीकृति लिएका छन् । श्रम स्वीकृति लिनेहरुमा सबैभन्दा धेरै खाडीका देशका लागि छन् । जसमध्ये साउदी जानको लागि २ हजार ८ सय ३१ जनाले श्रम स्वीकृति लिएका छन् भने संयुक्त अरब इमिरेट्स (यूएई) जानका लागि २ हजार ६ सय ५१ जनाले श्रम स्वीकृति लिएका छन् ।

त्यस्तै कतार जानका लागि १ हजार ३ सय ५१ जनाले श्रम स्वीकृति लिएका छन् । त्यस्तै बहराइन जानका लागि १ सय १३ जनाले श्रम स्वीकृति लिएका छन् भने खाडीकै अर्को देश कुवेत जानका लागि १ सय ३ जनाले श्रम स्वीकृति लिएका छन् । त्यस्तै ओमान जानका लागि १ सय ६ जनाले र मलेसिया जान १ सय ३ जनाले श्रम स्वीकृति लिएका छन् ।

यसअघि भदौ महिनामा १ हजार ५ सय २५ जनाले श्रम स्वीकृति लिएका थिए ।

LEAVE A REPLY

Please enter your comment!
Please enter your name here