Home News गुल्मीका भाइरल भाइको पहिलो दोहोरीनै यति बबाल, हसाएर मुर्छा पारे Sachin pariyar,...

गुल्मीका भाइरल भाइको पहिलो दोहोरीनै यति बबाल, हसाएर मुर्छा पारे Sachin pariyar, sachin gulmi

371
0

गुल्मीका भाइरल भाइको पहिलो दोहोरीनै यति बबाल, हसाएर मुर्छा पारे Sachin pariyar, sachin gulmi



याे समचार पनि पढ्नुहोस्

नेकपा भित्रको पद लुछाचुँडीको लामो विवादले प्रधानमन्त्रीको सिफारिसमा राष्ट्रपतिले संसद भंग गरेपछि नयाँ मोड लिएको छ । केपी ओली प्रधानमन्त्रीलाई निर्वाचित भएको केही समयदेखि नै पार्टीभित्रबाट नराम्रो घेराबन्दीमा पारिएको थियो । सकेसम्म राम्रा काम गर्न नदिने र भएका राम्रा कामको पनि विद्रुपीकरण गर्ने प्रयास भईरह्यो ।

नेपाली समाजलाई माओवादी कहरबाट मुक्त पार्न विगतमा ऐतिहासिक भूमिका खेलेको कारणले, देशलाई जातीय संघीयताको जहरबाट मुक्त गर्न निर्णायक भूमिका खेलेको कारणले केपी ओलीलाई दुश्मन ठान्ने जमात नेपालमा थिए । नेकपा एकताको नाममा पार्टीमा भित्रिएका केही नेता कार्यकर्तामा समेत त्यो दुश्मनी बाँकी थियो ।

तत्कालीन नेकपा(एमाले)भित्रको चर्को गुटीय राजनीतिलाई नजिकबाट देखेका क्रमभङ्गताका सूत्रधार प्रचण्डले नजिकबाट देखेका थिए । ती दुई पक्षलाई लडाएर नेकपा चाँडै कब्जा गर्न सकिने आँकलन गरेर नै तत्कालीन माओवादी केन्द्रलाई हतार-हतार तत्कालीन एमालेमा मिसाएको भन्ने कुरा अहिले आएर सत्य सावित हुदैछ ।

नेपाललाई सार्वभौम र स्वतन्त्र राष्ट्र निर्माण गर्ने के पी शर्मा ओलीको प्रयास बाम आन्दोलनभित्रकै केही नेताहरुलाई मन परेको थिएन । प्रथम पटक प्रधानमन्त्री हुँदा भारतीय नाकाबन्दीसंग लड्दा लड्दै उनका विरुद्ध काङ्ग्रेस -माओवादी गठबन्धन यसको एउटा ज्वलन्त उदाहरण थियो । नेकपा ‘एकता’ पछि दोश्रो पटक प्रधानमन्त्री हुँदा भारतले छ दशकभन्दा पहिलेदेखि आफनो नियन्त्रणमा राखेको नेपाली भूमि समेटेर नेपालको नयाँ नक्सा सार्वजनिक गरेपछि ओलीविरुद्धको आक्रोश नेकपाभित्रै चरमचुलीमा पुगेको थियो ।

तत्कालीन एमाले र तत्कालीन माओवादी ‘एकता’ संगै माओवादको विसर्जन भए पनि माओवादी चरित्रको विसर्जन भएको थिएन । हत्याको शृंखला करिब बन्द भए पनि चरित्र -हत्याको शृंखला बन्द भएको थिएन । त्यसको पछिल्लो कडीको रुपमा प्रधानमन्त्रीविरुद्धको आरोप-पत्रलाई लिन सकिन्छ । चरम दक्षिणपन्थीहरुले लाउन नसकेका प्रतिपक्षले लाउन नसकेका आरोपहरू पार्टीभित्रबाट आफ्नो पार्टीका प्रधानमन्त्रीविरुद्ध प्रयोग भयो ।

नेकपा एकता विचारमा आधारित थिएन । यो एकता विलकुल स्वार्थमिश्रित एवम् प्राविधिक थियो । नेपाली भूमिमा विकसित जनताको बहुदलीय जनवादलाई सबैले आत्मसात गरेर एकता हुनु पर्नेमा ‘जनताको जनवाद’ नामक वर्णसंकर विचार अघि सारियो । पार्टीको अन्तरीम विचारमा समेत ईमान्दार नभई पार्टीभित्र मुख्य नेतृत्व खुईल्याउन विगतको माओवादी विचार, शैली र परम्पराको प्रयोग भईरह्यो ।

नेकपामा लामो समयदेखि राजनीतिको सामान्य लक्ष्मण रेखाको समेत ख्याल गरिएन । निरन्तर नाघ्ने काम भईरह्यो । कमिटीको बैठक पूर्व केही नेताहरुले पोजिसन बनाएर निर्णय प्रभावित बनाउन थालियो । पार्टी एकतालाई अन्तिम रुप नदिई माथिबाट भत्काउन शुरु गरियो ।

प्रधानमन्त्रीलाई केही काम गर्न नदिने प्रपञ्च रचियो । लामो समयदेखि रिक्त संवैधानिक पदहरुमा नियुक्ति गर्न प्रधानमन्त्रीको प्रयासलाई असफल बनाउन प्रतिपक्षसंग समेत चलखेल शुरु गरियो । बाहिरचाँहि प्रधानमन्त्रीले केही गर्न नसकेको आरोप लागिरह्यो ।

महाधिवेशनबाट निर्वाचित पार्टी अध्यक्ष र जनताको अभिमतबाट निर्वाचित प्रधानमन्त्रीलाई गौंडा ढुकेर पद खोस्ने संगठित प्रयास गरियो । राष्ट्रपतिविरुद्द महाभियोग लागाउने षणयन्त्र भयो ।यसरी ‘खोसिने’ राष्ट्रपति, प्रधानमन्त्री र पार्टी अध्यक्षको पहिले नै ‘भाग शान्ति जय नेपाल’ गरियो ।

यस्तो अवस्थामा प्रधानमन्त्री ओलीका सामू ताजा जनादेश लिनुभन्दा अर्को विकल्प थिएन । संसदको विघटन र मध्यावधि निर्वाचन एक मात्र विकल्प थियो । अरु सबै गौंडा बन्द गरिएका थिए ।

संसदीय व्यवस्थामा प्रधानमन्त्रीले चाहेको बखत जनादेश लिन पाउने विश्वव्यापी स्वीकृत मान्यता हो । लोकतन्त्रमा जनादेश मान्दिन कसैले भन्न सक्दैन । चुनावबाट भाग्न कोही पनि सक्दैन । नेताले फैसला गर्न नसकेका विषय सार्वभौम जनताको विवेकले फैसला गर्ने हो । हरेक विषयमा अहिले माथि हलो अड्काउने नेतालाई आगामी मध्यावधि निर्वावनमा जनताले तलै अड्काईदिन सक्छन् । जनताको हिसाब किताब गलत हुदैन ।

फेरि पनि जनताले रुचाएको विचार जबज नै हो, जननेता के पी ओली नै हुन् र नेपाली जनता अन्तिम र निर्णायक न्यायाधीश हुन् ।

LEAVE A REPLY

Please enter your comment!
Please enter your name here