Home News स्मिता हिजै छोरी बोकेर भारत गईन् । राहुल र स्मिताको बारेमा शिशिर...

स्मिता हिजै छोरी बोकेर भारत गईन् । राहुल र स्मिताको बारेमा शिशिर भण्डारीले सन्तोष देउजालाई फोन गरे

272
0

स्मिता हिजै छोरी बोकेर भारत गईन् । राहुल र स्मिताको बारेमा शिशिर भण्डारीले सन्तोष देउजालाई फोन गरे




अर्को समचार पनि पढ्नुहोस्
मनाङको नासों गाउँपालिका–९ दानक्युदेखि माथिल्लो क्षेत्रमा व्यापक हिमपात भएको छ । मनाङ ङिस्याङ, नार्पाभूमि र चामे गाउँपालिकामा एक फिटभन्दा पनि बाक्लो हिमपात भएको हो । हिमपातका कारण मनाङीहरू घरभित्रै बसेका छन् भने सडकमा सवारी आवागमन ठप्प भएको छ ।

हिमपातले आलु, फापर, गहुँ, जौ र उवालगायतका बालीलाई राम्रो गर्ने पिसाङका छिरिङ गुरुङले बताए । मनाङमा एक महिनाअघि अलि–अलि मात्र हिउँ परेको थियो । लमजुङ र कास्कीको उच्च भेगमा पनि हिमपात भएको छ ।

बागलुङको उच्च पहाडी र हिमाली क्षेत्रमा हिमपातले जनजीवन प्रभावित भएको छ । ढोरपाटन, ताराखोला र तमानखोला क्षेत्रमा हिउँले सेतै भएका छन् । ढोरपाटन सिकार आरक्ष क्षेत्र र बोवाङ गाउँलगायतका डाँडा हिउँले सेताम्य देखिएका छन् । ताराखोलाको हिले, तमानखोलाको सोले र लामेला क्षेत्र र गल्कोटको घुम्टेमा पनि हिउँ परेको छ । हिमपातसँगै झरी परेपछि ती क्षेत्रका बासिन्दाले पशुलाई चरनका लागि बाहिर निकालेका छैनन् ।

तीन गाउँपालिका रहेको लुम्बिनी प्रदेशको एक मात्र हिमाली जिल्ला रुकुम पूर्वमा सबै डाँडा सेताम्य देखिएका छन् । दर्जनभन्दा बढी गाउँ हिउँले ढाकिएका छन् । भूमे र सिस्ने गाउँपालिकाका अग्ला बस्ती सेताम्य छन् । हिमपात र वर्षासँगै चिसो बढेको छ । कात्तिक अन्तिम साता वा मंसिरको पहिलो सातामै हिमपात हुने यहाँका हिमाल माघको अन्तिम साता मात्र सेताम्य बनेका छन् । जिल्लामा यसपटक भने सबैतिर नभएर अग्ला बस्ती र हिमालमा हिमपात भएको भूमे गाउँपालिका–२ का कमानबहादुर बुढामगरले बताए । ‘सुक्खा डाँडा बिहान सेताम्य देखिए,’ उनले भने, ‘यस वर्ष हिउँ पर्दैन कि भन्ने लागेको थियो, ढिलै भए पनि हिमपात भयो ।’

मुगुको छायानाथ रारा–९ मुर्माका रनवीर रोकायाको मुहारमा धेरैपछि खुसी छाएको छ । लामो समयको खडेरीले गहुँ, जौलगायत बाली सुक्न थालेपछि चिन्तित बनेका उनलाई शुक्रबारको हिउँले राहत दिएको हो । ‘लामो समयदेखि हिउँकै प्रतीक्षामा थियौं,’ उनले भने, ‘हिउँले सुबिकालको आशा पलाएको छ ।’

LEAVE A REPLY

Please enter your comment!
Please enter your name here